![](https://shonitpurkhabar.com/wp-content/uploads/2024/07/CHUNDEVI-1915X192.jpg)
काठमाडौं ।
एक करोड ८२ लाख ५१ हजार नक्कली नोटसहित प्रहरीले भारतीय नम्बर प्लेटको स्कारपियो गाडी नियन्त्रणमा लिएको छ ।
सुनसरीबाट प्रहरीले एक हजार दरका १ करोड ८२ लाख ५१ हजार नक्कली नोट बरामद गरेको हो । सुनसरीका प्रहरी निरीक्षक (एसपी) विपीन रेग्मीका अनुसार आइतबार भारतीय गाडीमा राखेर ल्याउँदै गरेको अवस्थामा इनरुवा नगरपालिका– ४ स्थित सुनसरी खोलाको पुल नजिकबाट नक्कली नोट बरामद भएको हो ।
नक्कली नोटसँगै एक जना भारतीय नागरिकलाई पनि पक्राउ गरिएको एसपी रेग्मीले जानकारी दिए । सवारी साधान चेकजाँचको क्रममा खटिएको ट्राफिक प्रहरी टोलीले बीआर ११ एक्स ३४२९ नम्बरको स्कोरपियो गाडी रोकेको थियो ।
शंकास्पद अवस्थाको स्कोरपियो गाडीमा खानतलासी गर्दा पछाडिको भागमा लुकाइछिपाइ ल्याइएको नक्कली नोटहरु बरामद भएको हो ।
पक्राउ पर्नेमा गाडी चालक भारत वीरपुरका २२ वर्षीय मोहमद सैयद रहेको र घटनाको विषयमा थप अनुसन्धान भैरहेको प्रहरीले जनाएको छ ।
![](https://shonitpurkhabar.com/wp-content/uploads/2024/02/nakkali-note-nepali-1024x4612024-02-12-02-05-49.jpeg)