![](https://shonitpurkhabar.com/wp-content/uploads/2024/07/CHUNDEVI-1915X192.jpg)
काठमाडौं । नेपाल कम्युनिष्ट पार्टी (एमाले) चन्द्रागिरि नगर कमिटीको नवनिर्वाचित पदाधिकारीहरूलाई पदभार हस्तान्तरण कार्यक्रम सम्पन्न भएको छ ।
आज शुक्रबार सतुंगल पार्टी प्यालेसमा नेपाल कम्युनिष्ट पार्टी (एमाले) चन्द्रागिरि नगर कमिटीको नवनिर्वाचित पदाधिकारी एवं सदस्यहरुलाई प्रमाण पत्र वितरण तथा पदभार हस्तान्तरण कार्यक्रमको आयोजना गरेको हो ।
कार्यक्रममा निवर्तमान अध्यक्ष राजु श्रेष्ठले नवनिर्वाचित अध्यक्ष उत्तमबहादुर राउतलाई कार्यालयको साँचो हस्तान्तरण गरेका थिए ।
पदभार हस्तान्तरण कार्यक्रमलाई सम्बोधन गर्ने क्रममा श्रेष्ठले आफुले आफ्नो कार्यकालमा पार्टीको विचार सिद्धान्त र विधान अनुरुप संगठन निर्माण र आम कार्यकर्ताको मनोविज्ञान अनुसार पार्टीभित्र रहेको अन्तर्विरोधको अन्त्य गर्दै कम्युनिस्ट आन्दोलन र एकतामा सक्दो भुमिका निर्वाह गरेको भन्दै नवनिर्वाचित पदाधिकारीहरुले नेपाल कम्युनिष्ट पार्टी (एमाले)लाई अझ उचाईमा पुर्याउने र छिन्नविन्न कम्युनिस्ट धारालाई एकै ठाउँमा ल्याएर आगामी निर्वाचनमा कम्युनिस्टहरूले स्थानीय सत्ता संचालन गर्नेछन् भन्नेमा आफू पूर्ण विश्वस्त रहेको बताए !
उनले नयाँ पदाधिकारीहरुलाई सफल कार्यकालको शुभ कामना समेत व्यक्त गरेका थिए ।
आफू पदमा रहे पनि नरहे पनि सधैभरि नेकपा एमालेलाई साथ र सहयोग गरिरहने श्रेष्ठले प्रतिवद्धता व्यक्त गरेका थिए ।
साथै आफ्नो कार्यकालमा साथ र सहयोग गर्नुहुने सम्पूर्ण पदाधिकारी , शुभचिन्तक तथा सहयोगीहरूलाई धेरै धेरै धन्यवाद व्यक्त गरेका थिए ।
त्यस्तै , नेकपा एमालेको केन्द्रीय सदस्य एवम् चन्द्रागिरि नगर इन्चार्ज सर्मिला कार्कीले नेकपा एमाले चन्द्रागिरि नगर कमिटीको दोश्रो अधिवेशनले नयाँ नेतृत्व पाएसँगै पार्टीभित्र नयाँ उत्साह थपिएको बताइन् !
![](https://shonitpurkhabar.com/wp-content/uploads/2024/05/0-02-03-b5e161fa452e122dd0d9848cb016010f86e0ba4872db69778e8cbf7cb5286696_16941d8e359f650a-1-1024x461.jpg)
![](https://shonitpurkhabar.com/wp-content/uploads/2024/05/0-02-03-1b0d16f5fb3d0d32ccbc57f72d269411e301b7e8555c396f9bf5fed3450cf673_26a5ca8bae1429f2-1024x673.jpg)