मौन आवाज
म एक्लै छु
जून एक्लै छ आकाशमा ।
साँझपख
कसैलाई पर्खिरहेको
एउटा प्रतीक्षारत छाँया छ
नैराश्यता छ
र मौनता छ ।
साँझमा
जून एक्लै छ
म एक्लै छु ।
एउटा क्रमिक ध्वनि
जो अटूट
प्रतिध्वनित भैइरहेछ यतै कतैतिर ।
साँझमा
एउटा अटूट धून जो गुञ्जिरहेछ / निरन्तर –
म सुन्दैछु
ती नबजेका धूनहरु – जो बज्नेवाला छ
आउनेवाला छ कोहि
पर्खिरहेछु !
टुक्रा / टुक्रा हुँदैछ उज्यालो
बढ्दैछ अँध्यारो ।
म अझै एक्लै छु
र टाढा अझै एक्लै छ जून !
साँझमा
म एक्लै छु
र कोहि आउनेवाला छ
पर्खिरहेको छु !
