चन्द्रागिरि नगरपालिका ०९ मच्छेगाउँस्थित मत्स्य रिक्रियशन सेन्टरमा रहेको मत्स्य फुटसलमा सोमबार सार्वजनिक गरिएको खेल तालिका अनुसार प्रतियोगितामा चन्द्रागिरि नगरपालिका वडा नं. १ देखी १५ सम्मका विभिन्न १३ वटा वडाहरूका टोलीले जनाउने बताइएको छ ।
प्रतियोगितामा चन्द्रागिरि नगरपालिका वडा नंं १०, १३, ११, ९, ६, १४, १२, १५, ४, ८, २ ५ र ७ का तर्फबाट १३ वर्षमुनिका खेलाडीहरूले सहभागिता जनाउने प्रतियोगिता निर्देशक गाैरव श्रेष्ठले जानकारी दिए ।
प्रतियोगितामा वडा नं. १०, १५ र ७ का टोलीले सिधै अन्तिम ८ मा खेल्ने अवसर पाएका छन भने अन्य वडाका सहभागी टोलीहरूले पहिलो चरणबाट नै प्रतिस्पर्धा गर्नुपर्नेछ ।
जसअनुसार कार्तिक २२ गते हुने प्रतियोगिताको पहिलो खेलमा पुल ए मा रहेका वडा नं. ११ सतुगंल र १३ पुरानो नैकाप बिहान १० बजे आमुने सामुने हुने तालिका निर्धारण भएको छ ।
प्रतियोगिताको पहिलो दिन पुल ए मै रहेका चन्द्रागिरि ९ मच्छेगाउँ र चन्द्रागिरि ६ महादेवस्थानबीच बिहान ११ बजे खेल हुनेछ भने सो समुहमा रहेका चन्द्रागिरि १४ नयाँ नैकाप र चन्द्रागिरि १२ बलम्बु दिनको १ बजे आपसमा स्पर्धा गर्नेछन् ।
पुल बी मा रहेका चन्द्रागिरि वडा नंं ४ थानकोटले दिनको २ बजे चन्द्रागिरि ८ मातातीर्थको सामना गर्दा दिनको ३ बजे चन्द्रागिरि नगरपालिका वडा नं. २ वाँडभञ्ज्याङले चन्द्रागिरि नगरपालिका ५ महादेवस्थानसमक्ष चुनाैती पेश गर्नेछ ।
पहिलो चरणका खेलहरू प्रतियोगिताको पहिलो दिन सकिनेछन्।
प्रतियोगिताको दोश्रो दिन कार्तिक २३ गते बिहीबार दोश्रो चरणका खेलहरू बिहान १० बजेबाट सुरु हुने तालिका रहेको छ । जसअनुसार बिहान १० बजे पहिलो खेल हुनेछ, यसैगरी बिहान ११ बजे दोश्रो खेल, दिउँसो १ बजे तेस्रो खेल तथा दिउँसो २ बजे चाैथो तथा अन्तिम खेल हुनेछ । यी खेलहरूका विजेता सेमीफाइनलका लागि चयन हुँदा सेमी फाइनल खेल भने कार्तिक २४ शुक्रबार हुनेछन् ।
प्रतियोगिताको फाइनल खेल कार्तिक २४ गते शुक्रबार दिउँसो २ बजे हुने बताइएको छ ।
प्रतियोगिताको विजेताले ५० हजार रूपैयाँ तथा दोश्रो हुनेले ३० हजार रूपैयाँ पुरस्कार पाउनेछन् ।
