मौन आवाज
मैले केही निशब्द बोलेको छु
त्यो सुन्नू
त्यो हेर्नू
मैले केही अमुर्त सोचेको छु
त्यो बुझ्नू !
जिन्दगी कोरेको क्यानभास हराएको छ मेरो
कुन्नि ! कुन रंगको थियो मेरो अनुहार ?
कुन्नि ! कुन प्रकारको थियो मेरो आकार ?
मैले केही रेखा तानेको छु
त्यो तन्काउँनू
मैले केही कोण बनाएको छु
त्यो ठम्याउँनू
मैले केही आयाम भोगेको छु
त्यो केलाउँनू !
म जुनबेला हराएपनि
जतासुकै बिलाएपनि
एउटा बाटो बनाएको छु ।
आउँदा वा / जाँदा
कहिलेकाहिँ त्यो बाटो हिंड्नू !
हिंड्दा हिंड्दै यदि तिमी थाक्यौ
र कतै पुगेनौ भने
मेरो अधुरो कथा पढ्नू !
