१३ औं पुष्पलाल स्मृति राष्ट्रिय -याकिङ्ग ब्याडमिन्टन प्रतियोगिता २०८० मा प्रिन्स र रसिलालाई उपाधि

१३ औं पुष्पलाल स्मृति राष्ट्रिय -याकिङ्ग ब्याडमिन्टन प्रतियोगिता २०८० शनिबार समापन भएको छ ।
चन्द्रागिरिस्थित महांकाल ब्याडमिन्टन कभर्ड हलमा आयोजित प्रतियोगितामा फाईनलमा शीर्ष ८ तर्फको पुरुष एकलमा ललितपुरका प्रफुल महर्जनमाथि २१–१८, २२–२० को संघर्षपूर्ण जित निकाल्दै प्रिन्स दाहालले चौथो पटक उपाधि उचालेका छन् । यस विधाको तेस्रो स्थानमा एपिएफका देवराज राना र पुलिसका सुनिल जोशी भएका छन् ।
त्यस्तै महिलातर्फ शीर्ष ८ मा ललितपुरकी रसिला महर्जनले जित हात पारेकी छिन् । रसिलाले भोजपुरकी नङ्सल तामाङलाई १७–२१, २१–१५, २२–२० को संघर्षपूर्ण खेलमा पराजित गरेकी छिन् । तेश्रो स्थानमा आर्मीकी अनुमाया राई र नेपाल पुलिसकी निता तम्साल भएकी छिन् ।


राष्ट्रिय ब्याडमिन्टन संघ, नेपालले विश्व जुनियर नम्बर एक रहिसकेका नेपालका नम्बर एक खेलाडी प्रिन्स दाहाललाई रोयल इन्फिल्ड हन्टर ३५०ले सम्मान गरेको छ ।
संघले पुष्पलाल स्मृति राष्ट्रिय -याकिङ्ग प्रतियोगिताको लगातार तीन संस्करणमा विजयी हासिल गर्ने खेलाडीहरुलाई मोटरसाइकल प्रदान गर्ने घोषणा गरेको थियो । सोही घोषणा अनुसार आज भएको महांकाल ब्याडमिन्टन कभर्डहलमा १३ औं पुष्पलाल स्मृति राष्ट्रिय -याकिङ्ग ब्याडमिन्टन प्रतियोगिता २०८० को समापन समारोहमा उक्त बाईक प्रिन्सलाई प्रदान गरिएको थियो ।
यस्तो सम्मानबाट हालसम्म रत्नजित तामांग र नङ्गशल तामाङ्ग पनि सम्मानित भइसकेका छन् ।

बिजेताले नगद ५० हजार, उपबिजेताले नगद ३० हजार र तृतीय स्थान प्राप्त गर्नेले नगद १२ हजार ५ सय सहित मेडल, ट्रफी र प्रमाणपत्र प्राप्त गरे ।
पुरुष शिर्ष ८ बाहेकको उपाधी भने एपिएफका क्षितिज खनालले हात पारे । खनालले फाईनलमा नखिपोटका बिवेक चौधरीलाई २१–१६, १७–२१, २१–१५ ले पराजित गर्दै उपाधी उचालेका हुन् । तेश्रो स्थानमा आर्मीका पविन लिङ्गथेप र एपिएफका रोशन साउद रहे ।
यस्तै यसै विधाका महिला तर्फको खेलमा कास्कीकी दिलाशा रानाले जित हात पारिन् । उनले बेलटार ब्याडमिन्टन एकेडेमीकी रोजी राईलाई २१–१४, २१–१३ ले पराजित गरेकी हुन् । तेश्रो स्थानमा नेपाल पुलिसकी सुष्मा श्रेष्ठ र पोखरा स्पोर्टस् ब्याडमिन्टन सेन्टरकी आयुष्मा नेपाल रहे ।
चन्द्रागिरीस्थित महांकाल ब्याडमिन्टन क्लबको कभर्डहलमा भएको प्रतियोगिताको पुरुष युगल तर्फ एपिएफका प्रिन्स दाहाल र बिजित थापा मगर तथा ललितपुरका प्रफुल महर्जन र आर्मीका सुरोज महर्जनको जोडी बिच भएको प्रतिस्पर्धामा प्रिन्स र बिजितको जोडीले जित हात पारे । प्रिन्स र बिजितबो जोडीले २१–७, २२–२४ र २१–१२ को जित हात पारेका हुन् । तेश्रो स्थानमा पाँचथरका दिवस शंकर र भोजपुरका बिशाल तामाङ्ग तथा नेपाल पुलिस क्लबका जीवन आचार्य र बिष्णु कटुवालको जोडी रहे ।
महिला युगल तर्फ आर्मीकी अमिता गिरी र ललितपुरकी रसिला महर्जनले जित हात पार्दै उपाधी उचाले । गिरी र महर्जनको जोडीले आर्मीकी अनुमाया राई र मोरङ्गकी सिमा राजबंशीलाई २१–१९, २१–१२ ले पराजित गरेका हुन् । तेश्रो स्थानमा कास्कीका शितल के।सी। र अनु राना तथा एपिएफकी शोभा गौचन र नेपाल पुलिसकी निता लम्साल रहे ।
यु–१३ को ब्वाईज तर्फ महांकाल ब्याडमिन्टन क्लबका सफल भुजेलले जित हात पार्दै उपाधी कब्जा गरे । भुजेलले कैलालीका रियांस चौधरीलाई २१–१४, १८–२१, २१–१५ ले पराजित गरेका हुन् । तेश्रो स्थानमा धन्यन्तरीका सुहम कार्की र एपिएफका आरुष सिमखडा रहे ।
गल्र्स तर्फ दीपक ब्याडमिन्टन एकेडेमीका अश्मिता खत्रीले क्लब मध्यपुरकी स्वर्लिन श्रेष्ठलाई २१–१७, २१–१६ ले पराजित गर्दै उपाधीमा नाम लेखाईन् । दीपक ब्याडमिन्टन एकेडेमीकी उपासना बोहरा र बेलटार ब्याडमिन्टन एकेडेमीकी दिया राई संयुक्त तेश्रो भए ।
यु – १७ एकल तर्फ आर्मीका सुप्रिम पन्तले युनिग्लोबल कलेजका सक्षम ढकाललाई २१–१८, २१–१२ ले पराजित गर्दै उपाधी उचाले । एपिएफका अरुण अधिकारी र रिभाईभ लिजर पार्कका किरण न्यौपाने संयुक्त तेश्रो भए ।
गल्र्स तर्फ कास्कीकी दिलासा रानाले जित हात पार्दै उपाधी कब्जा गरिन् । महिला एकलमा पनि रोजीलाई पराजित गर्दै जित निकालेकी दिलासाले यस स्पर्धामा राईलाई १४–२१, २१–१६, २१–१५ ले पराजित गरेकी हुन् । दीपक ब्याडमिन्टन एकेडेमीका अश्मिता खत्री र उपासना बोहरा संयुक्त तेश्रो स्थानमा रहे ।


मास्टर्स युगल ४५ बर्ष माथिको खेलमा पिस फिटनेश सेन्टरका संजय कपाली र अनिल थामसुहाङ्गको जोडीले रिभाईभ लिजर पार्कका सुक्र तामाङ्ग र भिम बहादुर थापाको जोडीलाई २१–१८, २१–१० ले पराजित गर्दै उपाधी उचाले । तेश्रो स्थानमा ललितपुरका मधु गुरुङ्ग र प्रकाश राईको जोडी र पाँचथरका दीपक आङ्गदम्बे र कुश्माका प्रेम गुरुङ्गको जोडी रहे ।
मास्टर्स युगल ५५ बर्ष माथिको प्रतिस्पर्धामा कास्कीका राम बहादुर गुरुङ्ग र गुल्मीका खगेन्द्र रेग्मीको जोडीले बाजी मारे । उक्त जोडीले पिस फिटनेश सेन्टरका गणेश राई र कर्ण बहादुर शाहीको जोडीलाई २१–१३, २१–१३ ले पराजित गरेका हुन् । फिटनेश पार्कका पुर्ण जोशी र उमेश के।सी।, तथा ललितपुरका दिल कन्दङ्गवा र एपिएफका प्रेम श्रेष्ठको जोडी तेश्रो स्थानमा रहे ।
प्रतियोगितामा बिजयी खेलाडीहरुले मेडल, ट्रफी र प्रमाण पत्रका साथ शिर्ष ८ बरियता देखि बाहेकको पुरुष एकल र महिला एकलका शिर्ष तीन स्थान प्राप्त गर्नेले नगद २० हजार, १० हजार र ५ हजार प्राप्त गरे । यस्तै पुरुष युगल तर्फ शिर्ष तीन स्थान प्राप्त गर्नेले नगद ३० हजार, १५ हजार र ५ हजार प्राप्त गरे । महिला युगल तर्फका शिर्ष तीनले नगद २० हजार, १० हजार र ५ हजार, यु–१७ र यु–१३ विधामा शिर्ष तीन स्थान प्राप्त गर्नेले नगद १५ हजार, ८ हजार र ४ हजार तथा मास्टर्स ४५ बषै र ५५ बर्ष माथिका शिर्ष तीन स्थान प्राप्त गर्नेले नगद ३० हजार, १५ हजार र ५ हजार प्राप्त गरे ।
बिजयी खेलाडीहरुलाई समापन समारोहका प्रमुख अतिथी चन्द्रगिरी नगरपालिकाका मेयर घनश्याम गिरी, उपप्रमुख बशन्ती श्रेष्ठ, नेकपा एमोलकी केन्द्रिय सदस्य सर्मिला कार्की, नेपाल ब्याडमिन्टन संघका उपाध्यक्ष लव भक्त श्रेष्ठ, पुष्पधन शाक्य, महासचिव बिरेन्द्र श्रेष्ठ, उपमहासचिव नविन बिक्रम शाह लगायतले पुरस्कार वितरण गरेका थिए ।

Scroll to Top