काठमाडौं । आज काभा महिला भलिबल प्रतियोगिताको उद्घाटन खेल नेपालले श्रीलङ्कासँग खेल्दै छ ।
नेपाल भलिबल सङ्घको आयोजनामा आजदेखि त्रिपुरेश्वरमा रहेको राष्ट्रिय खेलकुद परिषद्को कभर्डहलमा शुरु हुने प्रतियोगिताको उद्घाटन खेल
नेपाल र श्रीलङ्काबीच दिउँसो सवा ३ बजे शुरु हुनेछ ।
प्रतियोगितामा नेपालसहित भारत, श्रीलङ्का, माल्दिभ्स र इरान गरी पाँच वटा देशले प्रतिस्पर्धा गर्दैछन् ।
यस्तै नेपालले दोस्रो खेलमा भोलि भारतसँग, तेस्रो खेलमा २० गते आइतवार माल्दिभ्ससँग र चौथो खेलमा २१ गते सोमवार इरानसँग खेल्ने तालिका छ ।
लिग चरणको खेलपछि शीर्ष चारमा रहने टोलीबीच सेमिफाइनल हुनेछ भने फाइनल खेल २३ गते बुधवार हुनेछ ।