काठमाडौं । आजबाट नुनको मूल्य प्रतिकिलो २६ रुपैयाँ पर्ने भएको छ । साल्ट ट्रेडिङ कर्पोरेसनले मंगलबार रातिदेखि लागु हुने गरी मूल्य बढाएको हो ।
कम्पनी सञ्चालक समितिको निर्णयअनुसार आजबाट बजारमा प्रतिकिलो २६ रुपैयाँमा आयोनुन पाइने भएको हो ।
थोक बिक्री मूल्य अनुसार आयो नुन प्रतिकिलो २३ रुपैयाँ र न्यू शक्ति नुन प्रतिकिलो १७ रुपैयाँ कायम गरिएको छ ।
उपभोक्ताका लागि आयो नुन प्रति किलो २६ रुपैयाँ पर्दा न्यू शक्ति नुन प्रतिकिलो २० रुपैयाँ र भानु नुन ९ रुपैयाँ कायम पर्नेछ । यसअघि आयो नुनको थोक बिक्री मूल्य २० रुपैयाँ थियो भने खुद्रा मूल्य २२ रुपैयाँ थियो ।