कवि विमल गुरुङको ५३ औं जन्मजयन्तिको अवसरमा राष्ट्रिय कविता महोत्सव तथा पुरस्कार वितरण कार्यक्रम हुने भएको छ ।
विज्ञापन
प्रसिद्ध कवि विमल गुरुङको ५३ औं जन्मजयन्तिको अवसरमा ३३ औं राष्ट्रिय कविता महोत्सव – २०८१ एवम् कवि विमल गुरुङ कृति पुरस्कार-२०८० समर्पण कार्यक्रम हुने भएको छ ।
विमल गुरुङ स्मृति पुस्तकालयको आयोजनामा यहि कार्तिक २४ गते शनिबार बिहान ११ बजे कवि विमल गुरुङ स्मृति पुस्तकालय बुद्धचोक धरानमा उक्त कार्यक्रम हुन लागेको
हो ।
सो अवसरमा नेपाल संस्कृत विश्वविद्यालयका उपकूलपति प्रा.डा. भीम खतिवडाको प्रमुख आतिथ्यमा श्रष्टा प्रकाश थाम्सुहाङको निबन्ध कृति “शब्दथुम” लाई कवि विमल गुरुङ कृति पुरस्कार -२०८० अर्पण गरिने र राष्ट्रिय कविता महोत्सव-२०८१ को आयोजना समेत गरिने आयोजकले जानकारी दिएका छन् ।
