काठमाडौं । चन्द्रागिरि नगरपालिकाको वडा नं १५ तीनथानास्थित बिगमार्ट अगाडिको फुटपाथ गाडी पार्किङ्ग गर्ने स्थान बनेको र यात्रुहरूलाई हिंड्डुल गर्न असहज भएको विषयमा गुनासो बढ्न थालेको छ ।
तीनथानास्थित बिगमार्ट अगाडिको फुटपाथमा विगत लामो समयदेखि मान्छे हिंड्न अप्ठ्यारो हुनेगरी माईक्रो बस राख्दा सडकपेटी प्रयाेग कर्ताहरूले गुनासो व्यक्त गरेका हुन् । यसै सन्दर्भमा स्थानीयहरूले फुटपाथमा गाडी पार्किङ गर्ने कार्यले पैदलमार्गमा समस्या उत्पन्न भएको गुनासाे गर्न थालेपछि नेकपा एमालेका चन्द्रागिरि नगर पार्टी कमिटीका अध्यक्ष उत्तम बहादुर राउतले पटकपटक ध्यानाकर्षण गराउँदा पनि सम्बन्धित निकायले कानमा तेल हालेर बस्नु लज्जाकाे विषय भएकाे भन्दै सामाजिक संजालमार्फत अभिव्यक्ति दिएका छन् ।
सवारी दुर्घटना न्यूनीकरण गर्न र पैदल मार्ग प्रयोगकर्ताहरूको सहजताका लागि निर्माण गरिएका फुटपाथहरूमा यसरी मनपरि सवारी साधन पार्किङ्ग गरिरहँदा पनि ट्राफिक प्रहरी र सम्बन्धित सरोकारवाला निकायको ध्यान नजानु चरम लापरबाहीको पराकाष्ठा भएको भन्दै स्थानीयहरूले आक्रोश पोखेका छन् ।
