काठमाडौँ । नेपाल कम्युनिस्ट पार्टी (माओवादी केन्द्र) को चन्द्रागिरि नगर कमिटीको सह- ईन्चार्जमा देवकृष्ण महर्जन चयन भएका छन् ।
पार्टी सुदृढीकरण तथा संगठन विस्तारका क्रममा रहेको साथै विभिन्न कम्युनिस्ट घटकहरूबीच पार्टी एकता र कार्यगत एकताको अभ्यासमा लागेको प्रमुख प्रतिपक्षी दल नेपाल कम्युनिस्ट पार्टी (माओवादी केन्द्र) ले पछिल्लो समय पार्टीका नेता तथा कार्यकर्ताहरूको जिम्मेवारी हेरफेर गर्ने क्रममा महर्जनलाई चन्द्रागिरि नगरको सह-ईन्चार्जमा चयन गरेको हो ।
पार्टीको विभिन्न तहमा रहँदै आएका महर्जन यसअघि चन्द्रागिरि नगर पार्टी कमिटीको अध्यक्ष पदमा रहेर काम गरिसकेका वैचारिक तथा ईमान्दार नेताका रूपमा परिचित छन् ।
२०७९ सालको स्थानीय निर्वाचनमा पहिला चन्द्रागिरि नगरपालिकाको उपमेयरको रूपमा चर्चा गरेर पछि वडा नं ३ बाट वडा अध्यक्षका उम्मेदवार बनाईएका महर्जन राष्ट्रिय नेवा: मुक्ति मोर्चाको केन्द्रिय सचिव हुन भने पार्टीका विभिन्न सहायक संगठनहरूमा समेत आवद्ध छन् ।
विविध सामाजिक गतिविधिमा सक्रिय तथा सानैदेखि कम्युनिस्ट स्कूलिङमा हुर्केका देवकृष्ण महर्जन राजनीतिमा सम्भावना बोकेका शिक्षित र दृष्टिकोण भएका युवा नेता मानिन्छन् ।
