चन्द्रागिरि/काठमाडौं । चन्द्रागिरिमा स्कुलस्तरीय चित्रकला प्रतियोगिता सम्पन्न भएको छ । चन्द्रागिरि नगरपालिका वडा नम्बर १५ का वडाअध्यक्ष घनश्याम लुइँटेलले उद्घाटन गरेको उक्त प्रतियोगिता ब्राइट फ्युचर स्कुलले आयोजना गरेको हो ।
प्रतियोगितामा चन्द्रागिरि नगरभित्रका १४ वटा विद्यालयका ४६ जना छात्रछात्राले भाग लिएका थिए ।
प्रतियोगितामा जुनियरतर्फ रिब्स स्कुलका श्रीयुक्ता न्यौपाने प्रथम भएकी थिइन भने सिनियरतर्फ मदरल्याण्ड स्कुलका अनमोल श्रेष्ठ प्रथम भएका थिए ।
कार्यक्रममा कवि, गीतकार एवम् साहित्यकार डा. नवराज लम्सालले शुभकामना मन्तव्य दिएका थिए । कार्यक्रमको समापन भने ललितकला क्याम्पसका प्राध्यापक महेश आचार्यले गरेका थिए ।
प्रतियोगितामा ललितकला क्याम्पसका प्राध्यापक महेश आचार्य र कमलेश महर्जनले निर्णायकको भूमिका निभाएका थिए । प्रतियोगितामा आयोजक ब्राइट फ्युचर स्कुलले भने भाग लिएको थिएन ।
