काठमाडौं । तिहारको अवसर पारेर चन्द्रागिरि हिल्स रिसोर्टले आवास, खानपान, केबलकार यात्रा र मनोरञ्जनका सुविधा समेटिएको विशेष प्याकेज सार्वजनिक गरेको छ।
रिसोर्टका अनुसार २१ देखि २८ कात्तिक २०८३ सम्म लागू हुने प्याकेजको मूल्य दुई जनाका लागि १९ हजार ९९९ रुपैयाँदेखि सुरु हुनेछ।
प्याकेजमा चन्द्रागिरि केबलकारको दुईतर्फी यात्रा, दुई जनाका लागि आवास, साँझको बार्बेक्यु परिकार, तिहार विशेष रात्रिभोज र बिहानको बुफे खाना समावेश गरिएको छ।
प्याकेज अन्तर्गत पाहुनाले ३० मिनेटको वाष्पस्नान तथा सौना, अनन्त पोखरी, बाहिरी तातो जलकुण्ड, व्यायामशाला, भित्री खेल, बिलियर्ड्स र पिकलबलको सुविधा प्रयोग गर्न सक्नेछन्।
तिहारलाई लक्षित गर्दै रिसोर्टले २२,२४ र २५ कात्तिकमा पुरस्कारसहितको बिङ्गो कार्यक्रम आयोजना गर्ने जनाएको छ। त्यस्तै भ्यू टावर र स्काइवाक अवलोकन तथा आफ्नै रंगोली बनाउने सुविधा पनि उपलब्ध हुनेछ।
काठमाडौं उपत्यकाको दक्षिणपश्चिममा रहेको चन्द्रागिरि हिल्स प्राकृतिक दृश्यावलोकन, धार्मिक पर्यटन र मनोरञ्जनका लागि परिचित गन्तव्य हो। चन्द्रागिरि डाँडामा रहेको भालेश्वर महादेव मन्दिरसँगै केबलकार, आवास तथा विभिन्न मनोरञ्जनात्मक सुविधा सञ्चालनमा छन्।
रिसोर्टका अनुसार उक्त प्याकेज नेपाली नागरिक तथा नेपालमा बसोबास गर्ने विदेशी नागरिकका लागि उपलब्ध हुनेछ। बुकिङ तथा थप जानकारीका लागि ९८०-२०६९९०० मा सम्पर्क गर्न सकिनेछ।
