काठमाडौं । चन्द्रागिरिमा ‘क्रिकेट ट्रेनिङ’ हुने भएको छ ।
चन्द्रागिरि क्रिकेट एशोसियसन नेपालको आयोजना तथा ग्रेट हिमालयन त्रिकेट एकेडेमी हात्तिबनको सहयोगमा आयोजना हुन लागेको हो ।
माघ ५ गतेदेखि २६ गतेसम्म आयोजना हुने ‘क्रिकेट ट्र्रेनिङ’ चन्द्रागिरि ६ मा रहेको मदन भण्डारी क्रिकेट मैदान र त्रिभुवन पार्कमा रहेको मैदानमा सञ्चालन हुने चन्द्रागिरि क्रिकेट एशोसियशनका अध्यक्ष प्रजिवन प्रधानले जानकारी दिए ।
चन्द्रागिरिमा नै क्रिकेटको विकास र विस्तार गर्ने उद्देश्यले आयोजना गर्न लागिएको उक्त क्याम्पमा सहभागी हुने खेलाडीहरुले दर्ता शुल्क वापत १ हजार रुपैयाँ बुझाउनु पर्छ भने महिला खेलाडीहरुलाई दर्ता शुल्क पनि निःशुल्क गरिएको आयोजकले जनाएको छ ।
नेपाल क्रिकेट एशोसियशन (क्यान)को पनि सहभागी हुने उक्त क्रिकेट तालिम अवधिभर आवश्यक पर्ने सम्पूर्ण सामाग्रीहरु चन्द्रागिरि क्रिकेट एशोसियशनले नै व्यवस्था गर्ने पनि अध्यक्ष प्रधानले जानकारी दिए ।
