काठमाडाैं । टिकापुर साहित्य महोत्सवमा चन्द्रागिरि निवासी साहित्यकार चेतना शर्माको कविताले प्रथम स्थान हासिल गरेको छ ।
कैलालीको टीकापुरमा “साहित्यमार्फत् सामाजिक सद्भाव”को नारासहित शुक्रबार शुरू भएको महोत्सव विभिन्न कार्यक्रमका साथ सम्पन्न भएको हो ।
टीकापुर साहित्य समाज र सुदूरपश्चिम प्रज्ञाप्रतिष्ठानको संयुक्त आयोजनामा भएको महोत्सवमा कर्णालीमा जलविहार, थारु सांस्कृतिक नाच, सडक नाटक, लेखन कार्यशाला र सुदूरपश्चिमको मौलिक देउडा खेललाई समावेश गरिएको थियो ।
तीनदिनसम्म चलेको महोत्सवमा भाषा, साहित्य, कला, संस्कृति, शिक्षा, सामाजिक विकासका विविध सन्दर्भ तथा स्थानीय जनजीवनका अनेक आयामलाई एउटै मञ्चबाट प्रस्तुत गरिएको थियो ।
त्यस्तै, महोत्सव अन्तर्गत प्रदेश स्तरीय कविता प्रतियोगितामा चन्द्रागिरिकी चेतना शर्माको कविताले प्रथम स्थान हासिल गर्दै १५ हजार रुपियाँको पुरस्कार प्राप्त गरेको थियो ।
साथै, १० हजार रुपैयाँको द्वितीय पुरस्कार उद्गम मिसन र पाँच हजार राशीको तृतीय पुरस्कार स्वीकृति शर्मालाई प्रदान गरिएको छ भने सान्त्वना पुरस्कार कमल ढुङ्गाना र रचना डीसीलाई प्रदान गरिएको छ ।
