काठमाडौँ। वीपी राजमार्गको दुई ठाउँमा सडक अवरुद्ध भएको छ । हिजो राति परेको वर्षाका कारण अवरुद्ध भएको हो । राजमार्गको चारसय बेसी र कटुन्जेमा डाइभर्सन बगेपछि यातायात ठप्प भएको सडक डिभिजन कार्यालय भक्तपुरका प्रमुख सुमन योगेशले जानकारी दिएका छन् ।
विज्ञापन
अहिले सडक खुलाउने काम भइरहेको र अबको एक देखि डेढ घण्टाभित्रमा यातायात सुचारु हुने प्रमुख योगेशले जानकारी दिए । उनले भने,’अहिले दुई ठाउँमा सडक बन्द छ, हामी खुलाउने प्रयासमा छौँ । ढिलोमा बिहान १० बजेसम्म सडक खुल्नेछ ।’
विज्ञापन
सडक अवरुद्ध भएको कारण बैकल्पिक बाटोको प्रयोग गर्न समेत अनुरोध गरिएको छ ।
