काठमाडौं । काठमाडौं महानगरपालिकाले महानगरभित्र रहेका रुखहरूमा झिलिमिली बत्ती राख्न प्रतिबन्ध लगाएको छ । आइतबार महानगरपालिकाका प्रमुख बालेन्द्र शाह (बालेन)को अध्यक्षतामा बसेको महानगरपालिकाको ३७ औं कार्यपालिका बैठकले ‘लहरे बत्ती व्यवस्थापन कार्यविधि, २०८१’ स्वीकृत गरेको हो ।
विज्ञापन
कृत्रिम बत्तीले मानव स्वास्थ्यमा प्रतिकूल असर पुर्याउने, सवारी सुरक्षामा जोखिम बढाउने र चराचुरुङ्गीको प्राकृतिक जीवनचक्रमा अवरोध पुर्याउने भएकाले यो कदम चालिएको कार्यविधिमा उल्लेख छ । साथै, यस्ता बत्तीहरूले पुरातात्त्विक र सांस्कृतिक सम्पदाको सौन्दर्यमा पनि नकारात्मक प्रभाव पर्ने सम्भावना रहेको महानगरको ठहर छ ।
विज्ञापन
बत्ती राख्नु परेको अवस्थामा महानगरको वातावरण विभागबाट स्वीकृति लिनुपर्ने महानगरले जनाएको छ ।
