काठमाडौं जिल्ला बक्सिङ संघको छैटौं साधारणसभाले रमेश श्रेष्ठको अध्यक्षतामा १३ सदस्यीय कार्यसमिति चयन गरेको छ ।
विगत लामो समयदेखि विभिन्न कारणले अस्तव्यस्त रहेको बक्सिङ संघको अन्यौलतालाई चिर्दै काठमाडौं जिल्ला खेलकुद विकास समितिका अध्यक्ष भाइकृष्ण बलामीको प्रमुख आतिथ्यमा भएको छैटौं साधारणसभाले काठमाडौं जिल्ला बक्सिङ संघको नयाँ कार्यसमिति गठन गरेको हो ।
चन्द्रागिरि नगरपालिकाको वडा नं ४ थानकोटस्थित साझाघरमा सम्पन्न कार्यक्रममा प्रसिद्ध बक्सिङ खेलाडी तथा राखेप सहायक प्रशिक्षक दिपक महर्जन र महासंघका केन्द्रिय सदस्यहरूको समेत उपस्थिति रहेको थियो ।
काठमाडौं जिल्ला अन्तर्गत पुनर्गठित नयाँ कार्य समितिमा रमेश श्रेष्ठ अध्यक्ष चुनिएका छन् भने उपाध्यक्ष द्वयमा केशव रन्जित, कीरण सिंङ, महर्जन तथा सचिवमा राजकृष्ण महर्जन र कोषाध्यक्षमा सुनिता महर्जन चयन भएका छन् ।
त्यस्तै, सदस्यहरूमा राजु श्रेष्ठ, कविन्द्र महर्जन, राजकुमार महर्जन, सुदिप महर्जन, राज कुमार महर्जन, अनिश वैद्य, विश्व महर्जन तथा सुरेन्द्र महर्जन सर्वसम्मत चयन भएका छन् ।
