काठमाडौं । दुर्गा प्रसाइँलाई काठमाडौं जिल्ला अदालतमा बुधबार साइबर अपराधमा बुधबार मुद्दा दर्ता गरिएको छ । प्रसाइँलाई सात वर्षसम्म कैद माग गरिएको सरकारी वकीलको कार्यालयले जनाएको छ । मुद्दामा विहीबार थुनछेक बहस हुने भएको छ ।
सरकारी वकील काठमाडौंले विद्युतीय कारोबार ऐन २०६३ को दफा ४७ को १,२ अन्तर्गत कसुर र सजाय माग गर्दै मुद्दा दर्ता भएको हो । उनलाई यसपटकको ५ वर्षसम्म कैद र १ लाखसम्म जरिवानाको माग छ । किनकि यसअघि पनि साइबर अपराधमा मुद्दा दर्ता भैसकेको छ । त्यसकारण पटकेमा सात वर्षसम्मको माग दाबी गरिएको हो । अदालतमा जिल्ला न्यायाधीवक्ता खगिन्द्रराज कटुवालले मुद्दा दर्ता गरेका हुन् ।
उनले प्रधानमन्त्री केपी शर्मा ओलीले कम्बोडियामा लगानीबारे त्यहाँ रहेका एक नेपालीले नै भिडियो आफूलाई पठाएको सरकारी वकीललाई बयान दिएका छन् । उनले भिडियोमा बोलेको विषयलाई स्विकारेका छन् । प्रसाइँले जनतालाई जानकारी दिनका लागि भिडियो सार्वजनिक गरेको बयान दिएका हुन् ।
तीन वर्ष भन्दा बढी कैद सजाय हुन सक्ने मुद्दामा कसुरदार हो वा भन्ने कसुरदार भएको विश्वासको तत्काल प्रमाण भएमा थुनामा राखेर कार्वाही गर्न पाउने कानुनी व्यवस्था पनि छ ।
उनलाई संगठित र आपराधिक लाभमा पनि अनुसन्धान भैरहेको सरकारी वकील कार्यालय काठमाडौंले जनाएको छ । संगठित अपराधमा ६० दिनसम्म हिरासतमा राखेर अनुसन्धान गर्न पाउने व्यवस्था छ ।
मङ्सिर ४ मा पक्राउ परेका प्रसाईंमाथि प्रहरीको केन्द्रीय अनुसन्धान ब्यूरो (सीआईबी) ले आपराधिक लाभ लिन नहुने कसुरमा पनि अनुसन्धान गरिरहेको छ ।
