काठमाडौं । पलिस्वाँ मिसा पुच: बोसीगांको आयोजनामा सञ्चालित ८ दिने नेवारी परिकार बनाउने तालिम आज सम्पन्न गरिएको छ ।
पलिस्वाँ मिसा पुच: बोसीगांको आयोजनामा नेवारी परिकार बनाउने ८ दिने सीप विकास तालिम समापन कार्यक्रममा बागमती प्रदेश सभा सदस्यद्वय विन्दु श्रेष्ठ, यमुनादेवी श्रेष्ठ, चन्द्रागिरि नगरपालिकाका मेयर घनश्याम गिरी, वडा नं १० वडा अध्यक्ष शिवकुमार महर्जन लगायतको आतिथ्यता रहेको थियो ।
जेठ ३ गते उट्घाटन गरिएको उक्त ८ दिने सीप विकास तालिम अन्तर्गत नेवार समुदायको परम्परा, संस्कृति र विभिन्न अवसरमा प्रयोग गरिने मौलिक नेवारी परिकारहरू बनाउन तालिमको आयोजना गरिएको आयोजकले जानकारी दिएको हो ।
बागमती प्रदेश सभा सदस्य विन्दु श्रेष्ठको पहल तथा बागमती सरकार उद्योग तथा वाणिज्य कार्यालयको सहयोगमा जेठ ३ गतेदेखि सञ्चालन भइरहेको उक्त तालिमको आज समापन गरिएको हो ।
