काठमाडाैं । चन्द्रागिरि नगरपालिकाको वडा नं ७ चेकपोस्टस्थित प्रभात माध्यमिक विद्यालयमा प्रेसर कुकर पड्किएर ३ जना घाइते भएका छन् ।
विज्ञापन
प्रहरी वृत्त थानकोटले दिएको जानकारी अनुसार विद्यालयमा अध्ययनरत विद्यार्थीहरूका लागि दिवा खाजा बनाउने क्रममा प्रेसर कुकर अचानक पड्किंदा आशा श्रेष्ठ, सुनिता श्रेष्ठ र सावित्री ढकाल घाइते भएका हुन् ।
विज्ञापन
घाइतेहरू मध्ये सावित्री ढकाल र सुनिता श्रेष्ठको अवस्था सामान्य रहेको बताइएको छ भने अर्का घाइते आशा श्रेष्ठको सतुंगलस्थित सशस्त्र प्रहरी अस्पतालमा उपचार भइरहेको छ ।
घटनास्थलमा रहेका प्रत्यक्षदर्शीहरूका अनुसार प्रेसर कुकरमा बढी बाफ जमेको कारण विष्फोट भएको हुन सक्ने अनुमान गरिएको छ ।
स्कुल हाताभित्र घटेको यस घटनाले ग्याँस सिलिन्डर, चुलो र प्रेसर कुकर जस्ता संवेदनशील विषयमा थप सजग र सतर्क हुनुपर्ने देखाएको छ ।
