काठमाडाैं । प्रधानमन्त्री बालेन्द्र शाहले आज अपराह्न ४ बजेका लागि मन्त्रिपरिषद्को बैठक बोलाएका छन् ।
विज्ञापन
सिंहदरबारस्थित प्रधानमन्त्री तथा मन्त्रिपरिषद्को कार्यालयमा बस्ने सो बैठक नयाँ सरकार गठनपछिको दोस्रो औपचारिक बैठक हो । सरकारका प्रवक्ता एवं शिक्षामन्त्री सम्मित पोखरेलका अनुसार बैठकमा मन्त्रालयगत कार्यसम्पादन र समसामयिक राजनीतिक विषयमा छलफल हुने बताइएको छ ।
विज्ञापन
यसअघि शुक्रबार बसेको पहिलो बैठकले कार्की आयोगको सिफारिस कार्यान्वयन गर्ने र शासकीय सुधारका सय ओटा कार्यसूची स्वीकृत गर्ने महत्त्वपूर्ण निर्णय गरेको थियो ।
नियमित कार्यतालिका अनुसार सोमबार र बिहीबार मन्त्रिपरिषद् बैठक बस्ने परम्परालाई निरन्तरता दिँदै आजको बैठकमा अघिल्ला निर्णयहरूको कार्यान्वयन प्रक्रिया र थप प्रशासनिक सुधारका कदमबारे छलफल हुने जनाइएको छ ।
