काठमाडाैं । राष्ट्रिय स्वतन्त्र पार्टीले चन्द्रागिरि नगरपालिकाको वडा नं २ मा “विशेष धन्यवाद सभा तथा सुझाव संकलन” कार्यक्रमको आयोजना गर्ने भएको छ ।
राष्ट्रिय स्वतन्त्र पार्टी, चन्द्रागिरि वडा नं २ कार्य समितिले काठमाडौँ निर्वाचन क्षेत्र नं१० का नवनिर्वाचित संघीय सांसद प्रदिप विष्टको प्रमुख आतिथ्यतामा विशेष अन्तरक्रियात्मक कार्यक्रमको आयोजना गर्न लागिएको नगर पार्टी सचिव मधुकर बस्नेतले जानकारी दिएका छन् ।
निर्वाचन पश्चात जनप्रतिनिधि र नागरिक बीचको सम्बन्धलाई थप पारदर्शी र उत्तरदायी बनाउन, वडाका आर्थिक, सामाजिक तथा सांस्कृतिक मुद्दाहरूमा प्रत्यक्ष संवाद गर्न र आगामी विकासका लागि जनस्तरबाटै सुझाव संकलन गर्ने कार्यक्रमको मुख्य उद्देश्य रहेको राष्ट्रिय स्वतन्त्र पार्टीका वडा सभापति रामेश्वर भुर्तेलले बताएका छन् ।
कार्यक्रम वैशाख ६ गते, आईतबार बिहान ७:३० बजेदेखि ९:३० सम्म वडा कार्यालय प्राङ्गण, नागढुङ्गा (चेकपोस्ट नजिक) आयोजना हुने जनाइएको छ ।
