काठमाडौँ । रौतहट जिल्ला अदालत, गौरमा कार्यरत एक कर्मचारीविरुद्ध मुद्दा दायर गरिएको छ।
विज्ञापन
अख्तियार दुरुपयोग अनुसन्धान आयोगले जारी गरेको सूचना अनुसार अदालतको तहसिल शाखामा कार्यरत डिठ्ठा लव कुमार सिंहले जग्गा फुकुवा प्रक्रिया सम्पन्न गरिदिने भन्दै सेवाग्राहीसँग घुस माग गरेको उजुरीपछि निगरानी गरिएको थियो।
विज्ञापन
अनुसन्धानका क्रममा सिंहलाई सेवाग्राहीसँग रु. ५० हजार घुस रकम लिइसकेको अवस्थामा नियन्त्रणमा लिइएको आयोगले जनाएको छ।
संकलित प्रमाणका आधारमा उनलाई भ्रष्टाचार निवारण ऐन, २०५९ अन्तर्गत कसुरमा आज विशेष अदालत, काठमाडौँमा आरोप पत्र दायर गरेको जनाएको छ।
