स्थानीय शासनको कुशल नेतृत्व पश्चात् केन्द्रीय राजनीतिको यात्रामा निस्किएका लवशेर विष्ट नेपाली कम्युनिस्ट पार्टी (नेकपा) का एक प्रतिबद्ध, निष्ठावान र अनुभवी नेता हुन् ।
मकवानपुर निर्वाचन क्षेत्र नम्बर–२ बाट २१ फागुनमा हुने निर्वाचनका लागि उम्मेदवारका रूपमा मैदानमा उत्रिएका विष्ट थाहा नगरपालिकाका संस्थापक मेयरसमेत हुन्, जहाँ उनले पाँच वर्षे कार्यकालमा विकास, सुशासन र जनमुखी सेवाको अभ्यासमार्फत अलग पहिचान बनाएका थिए ।
वि.सं. २०२८ साल जेठ १५ गते मकवानपुर जिल्लाको थाहा नगरपालिका–३, घर्तीखोलामा जन्मिएका विष्ट बाल्यकालदेखि नै गाउँ–समुदायको जीवनशैली, संघर्ष र सामाजिक एकताको महत्व नजिकबाट अनुभूति गर्दै स्थानीय समाज र संस्कृतिसँग गहिरो रूपमा जोडिएका पात्र हुन् । यही अनुभवले उनलाई जनताको वास्तविक समस्या बुझ्ने र समाधानतर्फ अग्रसर हुने नेताका रूपमा विकास गरेको देखिन्छ ।
थाहा नगरपालिकाको मेयर रहँदा उनले रूपचन्द्र विष्टको दर्शनलाई आत्मसात् गर्दै ‘थाहा शैली’ को विकास अवधारणालाई संस्थागत गर्न प्रयास गरेका थिए भने विकास निर्माण, सेवा प्रवाह र पारदर्शितामा देखाएको कार्यशैलीका कारण उनी मकवानपुरको राजनीतिमा निष्ठावान र ‘बेदाग’ छवि भएका नेताका रूपमा समेत परिचित छन् ।
थाहा नगरपालिकाको मेयर रहँदा उनले रूपचन्द्र विष्टको दर्शनलाई आत्मसात् गर्दै ‘थाहा शैली’ को विकास अवधारणालाई संस्थागत गर्न प्रयास गरेका थिए भने विकास निर्माण, सेवा प्रवाह र पारदर्शितामा देखाएको कार्यशैलीका कारण उनी मकवानपुरको राजनीतिमा निष्ठावान र ‘बेदाग’ छवि भएका नेताका रूपमा समेत परिचित छन् ।
राजनीतिसँगै निर्माण व्यवसाय तथा विभिन्न संघ–संस्थामा सक्रिय रहँदै आएका विष्ट मकवानपुरको उत्तरी क्षेत्रको सामाजिक तथा आर्थिक विकासमा महत्वपूर्ण योगदान पुर्याउने व्यक्तित्व मानिन्छन्। विपन्न वर्ग, ग्रामीण समुदाय र स्थानीय विकासका मुद्दा उनका विशेष प्राथमिकता रहेका छन्। शैक्षिक रूपमा उनले रत्न राज्य क्याम्पसबाट आई.ए. तहसम्म अध्ययन गरेका छन् । सामाजिक विज्ञान, इतिहास र राजनीति विषयको गहिरो ज्ञान र अनुभवले विष्टलाई जनमुखी उत्तरदायित्वतिर आकर्षित गरेको देखिन्छ ।
विष्ट पार्टीको नीति तथा सिद्धान्तअनुसार जनताको हक–अधिकार, सुशासन र सामाजिक न्यायको पक्षमा निरन्तर सक्रिय एवम् जनजीविका, रोजगारी, विकास र सुशासनप्रति स्पस्ट दृष्टिकोणसहित राजनीतिमा आएका प्रखर, परिपक्व र वैचारिक नेता हुन् ।
विष्ट पार्टीको नीति तथा सिद्धान्तअनुसार जनताको हक–अधिकार, सुशासन र सामाजिक न्यायको पक्षमा निरन्तर सक्रिय एवम् जनजीविका, रोजगारी, विकास र सुशासनप्रति स्पस्ट दृष्टिकोणसहित राजनीतिमा आएका प्रखर, परिपक्व र वैचारिक नेता हुन् ।
स्थानीय शासनको नेतृत्व गर्दै थाहा नगरपालिकाको मेयर रहँदा देखाएको कार्यशैलीका कारण आज पनि मकवानपुर जिल्लामा उनको चर्चा हुने गरेको छ । साथै, जेन–जी पुस्ताको भावना र चाहनालाई वास्तविक अर्थमा प्रतिनिधित्व गर्ने तथा आम नागरिकप्रतिको जिम्मेवारीलाई निष्ठा र इमानदारीका साथ पूरा गर्ने प्रतिबद्धता व्यक्त गर्दै लवशेर विष्ट अहिले पुनः संसदीय यात्रातर्फ अग्रसर भएका छन् ।
मकवानपुर क्षेत्र नं २ मा राजनीतिक दलका १६ र स्वतन्त्र ५ गरि कुल २१ जना उम्मेदवारले उम्मेदवारी दिएका छन् । यस निर्वाचन क्षेत्रमा कुल १ लाख ५६ हजार ८ सय ९९ जना मतदाता रहेका छन् ।
