काठमाडाैं । ब्राइट फ्युचर सेकेण्डरी स्कूल तथा कलेजको आयोजनामा पाँचौ ब्राइट फ्युचर एसईई कप फुटसल-२०८३’ आयोजना हुने भएको छ ।
चन्द्रागिरि नगरपालिका वडा नम्बर १४ स्थित ब्राइट फ्युचर सेकेण्डरी स्कुलको खेल मैदानमा यही बैशाख १८ देखि १९ गतेसम्म आयोजना हुनेछ ।
उक्त फुटसल प्रतियोगिताको विजेताले ३५ हजारका साथै पूर्ण छात्रवृद्धि पाउने छन् भने उप(विजेताले २० हजार नगरसहित ७५ प्रतिशत छात्रवृत्ति प्राप्त गर्नेछन् । त्यस्तै, २० हजार व्यक्तिगत नगद पुरस्कारसहिद ट्रफी, मेडल र प्रमाण(पत्र प्राप्त गर्नेछन् ।
विधागततर्फ उत्कृष्ट खेलाडी, गोलरक्षक र सर्वाधिक गोलकर्ताले ट्रफी, प्रमाण-पत्र साथै विशेष पुरस्कार पाउने छन् । उक्त प्रतियोगिता नकआउटका आधारमा हुनेछ ।
प्रतियोगितामा भाग लिने खेलाडीहरुलाई प्रति टिम ३ हजार लाग्ने छ भने टिम दर्ता यही वैशाख १६ गतेसम्म गरिसक्नुपर्ने छ ।
