काठमाडौं । नवरस संगीत पाठशाला, सतुंगलको आयोजनामा चन्द्रागिरिमा प्रथम लोकनृत्य कार्यशालाको हुने भएको छ ।
वैशाख ९ गतेदेखि १२ गतेसम्म हुन लागेको कार्यशाला गोष्ठीमा चर्या नृत्य अन्तर्गत प्रशिक्षक सनरा महर्जन, मगर समुदायमा प्रचलित कौराहा नृत्य अन्तर्गत प्रशिक्षक चित्र मास्के मगर तथा मगर समुदायमा प्रचलित थाली नृत्य अन्तर्गत प्रशिक्षक रविन मगरले कार्यशालामा सहभागिता जनाउँदै छन् ।
त्यस्तै, फ्रि स्टाईल हिपअप तर्फ वर्षात केसी, थारु नृत्य तर्फ प्रशिक्षक सपना महर्जन, नृत्य प्रशिक्षक मनिषा गोले र नृत्य प्रशिक्षक समिर मालीको सहभागिता एवम् प्रस्तुति रहने भएको छ ।
नृत्य कार्यशाला गोष्ठीको उदेश्य चन्द्रागिरि नगरपालिकामा रहेका विद्यालयका शिक्षक, शिक्षिकाहरू तथा एसईई दिएर बसेका विद्यार्थीहरूको समयलाई सदुपयोग गर्दै नृत्य विधाको व्यावहारिक र सैधान्तिक ज्ञान आदान प्रदानमा गर्दै समग्र लोकनृत्यको विकासमा टेवा पुर्याउनु रहेको नवरस संगीत पाठशालाका संचालक रबि रानाले जानकारी दिए ।
प्रत्येक दिन बिहान ७ बजेदेखि १० बजेसम्म सञ्चालन हुने कार्यशाला कार्यक्रमको सञ्चालन सिर्जना राजबहाकले गर्ने भएकी छिन् ।
