काठमाडौं जिल्ला स्तरीय राष्ट्रपति रनिङ शिल्ड कबडी प्रतियोगितामा थानकोटस्थित मङ्लोदय मा.वि.का छात्रा तथा छात्र दुवै समूह फाइनल प्रवेश गरेको छ ।
विज्ञापन
काठमाडौं जिल्ला खेलकुद विकास समितिको आयोजनामा हिजोदेखि सुरु भएको १५ औं राष्ट्रपति रनिङ शिल्ड प्रतियोगिताको कबडी विधातर्फ चन्द्रागिरि नगरपालिकाको प्रतिनिधित्व गर्दै मङ्लोदय माध्यामिक विद्यालयका छात्र तथा छात्राको दुवै समूह फाइनल प्रवेश गरेको मङ्लोदय माध्यामिक विद्यालयका प्रधानाध्यापक कविन्द्र गोपालीले जानकारी दिएका छन् ।
विज्ञापन
वैशाख ८ गतेदेखि सञ्चालन भइरहेको राष्ट्रपति रनिङ शिल्ड प्रतियोगिता अन्तर्गत भलिबल खेल तार्केश्वर नगरपालिकामा र कबडी खेल काठमाडौं महानगरको चमती १५ मा सञ्चालन भइरहेकोे छ ।
