काठमाडौं । वैदेशिक रोजगार विभागले नियमविपरीत कार्य गरेको आरोपमा तीनवटा म्यानपावर कम्पनीलाई कारबाही गरेको छ ।
विज्ञापन
कारबाहीमा पर्नेमा एसोसिएट वेलकम इन्टरनेसनल प्रा.लि., मास ह्युमन रिसोर्स प्रा.लि. र टेस्ला ओसिज् प्रा.लि. रहेका छन् ।
विज्ञापन
विभागद्वारा सोमबार जारी सूचनामा भनिएको छ, ‘विभागको पूर्वस्वीकृति नलिई शाखा कार्यालय सञ्चालन गरी सामाजिक सञ्जालको माध्यमबाट विज्ञापन गरेकोले एसोसिएट वेलकम इन्टरनेसनल प्रा.लि.लाई ऐनको दफा ४८ बमोजिम २ लाख जरिवाना गरिएको छ ।’
वैदेशिक रोजगारसम्बन्धी प्रचलति कानून, विभागको आदेश तथा निर्देशनको पालना गरेका नपाइएकोले मास ह्युमन रिसोर्स प्रा.लि. र टेस्ला ओसिज् प्रा.लि.लाई अब उपरान्त यस प्रकारको कार्य नगर्ने गरी सचेत गराइएको विभागले जनाएको छ ।
