काठमाडौं । युवा तथा खेलकुदमन्त्री सस्मित पोखरेलले त्रिवि अन्तर्राष्ट्रिय क्रिकेट मैदान नभत्किने प्रष्ट पारेका छन्। त्रिविले क्रिकेट संघलाई जग्गा खाली गर्न पत्राचार गरेको समाचार बाहिरिएपछि मन्त्री पोखरेलले यसबारे प्रष्ट पारेका हुन्।
सोमबार मन्त्रिपरिषद् बैठकका निर्णय सुनाउने क्रममा सञ्चारकर्मीले राखेको जिज्ञासामा मन्त्री पोखरेलले खेल मैदान खाली गर्ने सरकारको कुनै उद्देश्य नभएको बताए।
लिज सम्झौता सकिएको हुनाले लिज एग्रिमेन्ट फेरि गर्नुपर्ने छ, अब नयाँ लिज हुन्छ।
