काठमाडौं : प्रधानमन्त्री केपी शर्मा ओलीको कम्बोडियामा लगानी भएको दाबी गर्दै सार्वजनिक गरेको कागजात नक्कली (फेक) भएको दूर्गा प्रसाईंले बयान दिएका छन्। प्रहरीको केन्द्रीय अनुसन्धान व्युरो (सिआईबी)का अधिकारीहरूसँगको बयानमा प्रसाईंले उक्त कागजातहरू नक्कली भएको बयान दिएका हुन्।
विज्ञापन
विद्युतीय कारोबार ऐनअन्तर्गतको कसूरमा प्रहरीले उनीमाथि अनुसन्धानसमेत गरिरहेको छ। अनुसन्धानकै क्रममा सिआईबीको टोलीले झापा मेचिनगर नगरपालिका-१३ चारआलीका नविन प्रधान भन्ने हरिचन्द्र फुयललाई समेत पक्राउ गरेको छ। दुर्गा प्रसाईंसँग लेनदेन र ‘कनेक्सन’ देखिएपछि सिआईबीको टोलीले ३६ वर्षीय फुयललाई भारतको आसामबाट पक्राउ गरेको हो ।
विज्ञापन
