काठमाडौँ । नेपाली काङ्ग्रेसको युवा संगठन नेपाल तरुण दलको वडा नं २ को वडा अधिवेशन सम्पन्न गरिएको छ ।
विज्ञापन
नेपाल तरुण दल काठमाडौ क्षेत्र नं १० का अध्यक्ष ईश्वर लामाको प्रमुख आतिथ्यता तथा तरुण दल चन्द्रागिरि नगरका अध्यक्ष आनन्द महर्जनको विशिष्ट आतिथ्यतामा सम्पन्न गरिएको अधिवेशनले दिपक सिग्देलको अध्यक्षतामा ३१ सदस्यीय वडा समिति चयन गरेको छ ।
विज्ञापन
वडा, नगर, क्षेत्र, जिल्ला, प्रदेश हुँदै केन्द्रिय अधिवेशनको तयारीमा रहेको नेपाल तरुण दलको चन्द्रागिरिमा धमाधम वडा सम्मेलनहरू भइरहेकोमा वडा नं २ ले आज सम्पन्न गरेको अधिवेशन मार्फत अध्यक्षमा दिपक सिग्देल, उपाध्यक्षमा विश्वराज पोखरेल तथा सचिवमा सुरेन्द्र थापासहित ३१ सदस्यीय वडा समिति गठन गरिएको नेपाली काङ्ग्रेस वडा नं २ का कार्यवाहक पार्टी सभापति किरण पोखरेलले शोणितपुर खबरलाई जानकारी दिएका छन् ।
