काठमाडौँ । शोणितपुर तेक्वान्दो डोजाङको आयोजनामा प्रथम प्राथमिक तह अन्तरविद्यालय तेक्वान्दो प्रतियोगिता भव्यताका साथ सम्पन्न भएको छ ।
प्रतियोगितामा चन्द्रागिरी नगरका ८ विद्यालयका करिब १ सय ७० जना खेलाडीहरूले सहभागिता जनाएका थिए । विभिन्न तौल समूह र श्रेणीमा प्रतिस्पर्धा गरिएका खेलहरू अत्यन्तै रोचक र प्रतिस्पर्धात्मक बनेको थियो ।
प्रतियोगितामा प्रशान्ति परिबोध स्कूल १५ स्वर्णसहित समूह विजेता बन्न सफल भयो भने शोणितपुर तेक्वान्दो डोजाङ १० स्वर्ण जितेर दोस्रो भयो । त्यस्तै, पुष्प बाटिका स्कुल ७ स्वर्णसहित तेस्रो हुन सफल भयो ।
यसैगरी, प्रतियोगितामा “बेस्ट फाईटर” (पुरुष) ट्रफी शोणितपुर तेक्वान्दो डोजाङका तेजस अधिकारीले तथा “बेस्ट “फाईटर (महिला) ट्रफि ब्राइट किन्डर वर्ल्डकी आश्रिया ढुङ्गानाले हात पार्न सफल भएका छन् ।
आयोजक संस्थाका अनुसार प्रतियोगिताले स्थानीय स्तरमा तेक्वान्दो खेललाई अझ प्रोत्साहन गर्ने र बालबालिकाको शारीरिक तथा मानसिक विकासमा ठूलो योगदान पुर्याउने जनाएको छ ।
