काठमाडौँ । नेपाली काङ्ग्रेसको युवा संगठन नेपाल तरुण दलको चन्द्रागिरि नगरपालिका वडा नं ४ को अधिवेशन सम्पन्न भएको छ ।
थानकोटको चन्द्रागिरि बजारमा सम्पन्न वडा अधिवेशनले सुरेन्द्र गोपालीलाई वडा नं ४ को तरुण दलको अध्यक्षमा चयन गरेको छ ।
नेपाली काङ्ग्रेसका नेता धर्मानन्द श्रेष्ठ, युनारायण श्रेष्ठ, काठमाडौं क्षेत्र नं १० तरुण दलका अध्यक्ष ईश्वर लामा, वडा नं ४ का वडा सदस्यहरू कृष्ण कुमारी गोपाली, पृथ्वी बहादुर लामा लगायतको उपस्थितिमा भएको अधिवेशनले उपाध्यक्षमा विक्रल श्रेष्ठ, सचिवमा नरेन्द्र लामा तथा सुमित्रा लामा र कोषाध्यक्षमा रुविना लामालाई सर्वसम्मत चयन गरेको हो ।
नगर अधिवेशनको तयारीमा जुटेको तरुण दलले भटाभट वडा अधिवेशनहरू सम्पन्न गर्दै गरेको अवस्थामा वडा नं ४ को समेत अधिवेशन सम्पन्न गरिएको र हाल प्रमुख पदाधिकारीहरूको टुंगो लगाएको र थप कार्यसमिति सदस्य विस्तार गर्न नवगठित समितिलाई नै जिम्मेवारी दिइएको नेपाली काङ्ग्रेस वडा नं ४ का पार्टी सभापति प्रचण्डमान गोपालीले शोणितपुर खबरलाई जानकारी दिएका छन् ।
