काठमाडाैं । ब्राइट फ्युचर एसइई कप फुटसल प्रतियोगिता अन्तर्गतको पाचौं शृङ्खला सुरु भएकाे छ ।
चन्द्रागिरि नगरपालिकाको अग्रणी शैक्षिक संस्था ब्राइट फ्यूचर माध्यमिक विद्यालयले आयोजना गरेको एसइई कप फुटसल प्रतियोगिता विद्यालयकै प्राङ्गणमा रहेको खेलकुद परिसरमा प्रारम्भ गरिएको छ ।
कुल ८ ओटा समूहले भाग लिएको पाचौं फुटसल प्रतियोगिताको पहिलो खेल सनसाइन र रिब्स स्कुलबीच सम्पन्न भएको छ ।
गतवर्षको एसइई परिक्षा सकाएर बसेका विद्यार्थीहरूको सहभागिता रहेको प्रतियोगितामा पहिलो, दोस्रो तथा उत्कृष्ट हुने खेलाडीले नगद पुरस्कार र छात्रवृत्ति पाउनेछन् ।
ब्राइट फ्युचर स्कुलले दिएको जानकारी अनुसार प्रतियोगितामा पहिलो हुनेले ३५ हजार रूपैयाँ नगद तथा कक्षा ११ को अध्ययनका लागि पूर्ण छात्रवृत्ति प्राप्त गर्नेछ भने दोस्रो हुनेले २० हजार रूपैयाँ नगद र कक्षा ११ मा अध्ययनका लागि ७५ प्रतिशत छात्रवृत्ति प्राप्त गर्नेछ ।
त्यस्तै, व्यक्तिगत विधामा उत्कृष्ट ठरिनेले जनही बीस हजार रुपैयाँ नगद प्राप्त गर्ने आयोजकले जनाएको छ ।
खेलकुदको माध्यमबाट छात्रवृत्तिको अवसर प्रदान गर्नेगरि आयोजना गरिएको फुटसल प्रतियोगिता आफैमा ब्राइट फ्युचर स्कुलको शैक्षिक क्षेत्रप्रतिको नवीन चिन्तन र प्रयत्न मानिएको छ ।
