काठमाडौं । नेपाली कांग्रेसको दोस्रो विशेष महाधिवेशनको बन्दसत्रमा महामन्त्री विश्वप्रकाश शर्माले सांगठनिक प्रतिवेदन पेस गरेका छन् ।
विज्ञापन
भृकुटीमण्डपमा सोमबार श्यामकुमार खड्काको अध्यक्षतामा सुरु भएको बन्दसत्रमा शर्माले ‘बदलिएको देश बदल्नुपर्ने कांग्रेस’ शीर्षकको प्रतिवेदन प्रस्तुत गरेका हुन् ।
विज्ञापन
प्रतिवेदनमा महामन्त्री शर्माले मुलुकको शासकीय स्वरूपदेखि पार्टीको आन्तरिक जीवनसम्म आमूल परिवर्तनको खाका कोरेका छन् । उनले भविष्यमा नेपाली कांग्रेसको तर्फबाट वा कांग्रेसको पहलमा कोही पनि व्यक्ति प्रधानमन्त्री दुई पटकभन्दा बढी बन्न नपाउने स्पष्ट प्रस्ताव अघि सारेका छन् । यो नीतिलाई नेपालको संविधानमा समेत लिपिबद्ध गर्न पार्टीले अग्रसरता लिने संकल्प प्रतिवेदनमा उल्लेख छ ।
