काठमाडौं । हिजोदेखि सुरू गरिएको नेपाली कांग्रेसको विशेष महाधिवेशन अवैध तथा पार्टी विधान विपरित भएको भन्दै संस्थापन पक्षले प्रतिवाद गरेको छ ।
विशेष महाधिवेशन पक्षधरले जति नै हल्ला गरेपनि विशेष महाधिवेशनको प्रक्रिया पार्टीको विधान र आन्तरिक नियमअनुसार नचलेको र वैधानिक मापदण्ड पूरा नगरेको संस्थापन पक्षले आरोप लगाएका छन् ।
स्रोतले दिएको जानकारी अनुसार, नेपाली काङ्ग्रेस संस्थापन पक्षले विशेष महाधिवेशनको निर्णयले पार्टीको नेतृत्व र कार्यसमिति गठन गर्न नसक्ने दाबी गरेको छ । साथै, पार्टीको लोकतान्त्रिक संरचना र आन्तरिक प्रक्रियालाई मिचेर गरिएको विशेष महाधिवेशनमाथि प्रश्न उठाउँदै अधिवेशनको निर्णयलाई मान्यता नदिने चेतावनी दिइएको छ ।
संस्थापनले पार्टी एकताको महत्व औँल्याउँदै, आगामी १५औँ महाधिवेशनसम्मको व्यवस्थापन वैधानिक र पारदर्शी ढंगले हुनुपर्नेमा जोड दिएको छ ।
