काठमाडौं । नेपाली कांग्रेस सभापति शेरबहादुर देउवाले विशेष महाधिवेशन आयोजना गरेर पार्टीभित्रको विवाद समाधान गर्न खोजिरहेका महामन्त्रीद्वय गगन थापा र विश्वप्रकाश शर्मा सँग छलफल गर्ने भएका छन् ।
विज्ञापन
चौतर्फी दबाबपछि देउवा वार्ताका लागि तयार भएका हुन् । देउवा निवासमा आज बसेको केन्द्रीय सदस्यहरूको बैठकमा सभापतिलाई आफैं पहल लिन अनुरोध गरिएको थियो । बैठकमा सभापति देउवाले रिसाएका छन्, मैले बोलाउँदा पनि आएनन् भने ? भन्दै प्रश्न गरेका थिए ।
विज्ञापन
तर केन्द्रीय सदस्यहरूले महामन्त्रीहरू नआउने सम्भावना नरहेको र विशेष महाधिवेशनलाई एकताको बनाउनुपर्नेमा जोड दिएपछि देउवा वार्ताका लागि सहमत भएका छन् ।
कांग्रेस नेता मीन विश्वकर्माले पनि सभापतिले नै महामन्त्रीहरूसँग वार्ता गर्ने बताए ।
