काठमाडाैं । चित्लाङ गोल्डकप फुटबल प्रतियोगिताको फाईनल खेल माघ २ गते हुने भएको छ ।
मकवानपुर जिल्लाको थाहा नगरपालिका वडा नं ९ चित्लाङलाई खेलकुदको माध्यमबाट पर्यटन प्रवर्द्धनसँग जोड्ने उद्देश्यले “चित्लाङ गोल्डकप फुटबल प्रतियोगिता” को आयोजना गरिएको आयोजक संस्थाले जनाएको छ ।
चित्लाङ खेलकुद विकास समितिको आयोजना तथा थाहा नगरपालिका वडा नं ९ वडा कार्लयको सहकार्यमा पौष २७ गतेदेखि भइरहेको “चित्लाङ गोल्डकप फुटबल प्रतियोगिता” अन्तर्गत जम्मा २३ ओटा प्रतियोगी टिमको सहभागिता रहेको थियो ।
थाहा नगरपालिकाको उप-प्रमुख भरत गोपालीद्वारा उट्घाटन गरिएको उक्त प्रतियोगिता माघ २ गते समापन गरिने राजेन्द्र बलामीले जानकारी दिएका छन् ।
“चित्लाङ गोल्डकप फुटबल प्रतियोगिता” मा प्रथम हुने टिमले नगद १ लाख रुपैयाँ, मेडल तथा प्रमाणपत्र प्राप्त गर्नेछ । त्यस्तै, दोस्रो हुने टिमले नगद ५० हजार रुपैयाँ, मेडल तथा प्रमाणपत्र प्राप्त गर्नेछ ।
