काठमाडौं । प्रतिनिधि सभाको फागुन २१ गते हुने निर्वाचनलाई लक्षित गर्दै आजदेखि चन्द्रागिरिसहित देशभरका १६५ वटै निर्वाचन क्षेत्रमा निर्वाचन अधिकृतको कार्यालय सञ्चालनमा आएको छ ।
विज्ञापन
निर्वाचन आयोगका अनुसार उम्मेदवार मनोनयन दर्ता, उजुरी सुनुवाइ लगायतका चुनावी कार्यक्रमसम्बन्धी प्रशासनिक काम तथा निर्वाचन प्रक्रियाका अन्य तयारीहरू यही कार्यालयमार्फत सञ्चालन गरिनेछ ।
विज्ञापन
सबै निर्वाचन क्षेत्रमा एकैसाथ निर्वाचन अधिकृतको कार्यालय खुलेसँगै निर्वाचनको औपचारिक प्रक्रिया सुरू भएको छ ।
आयोगले निष्पक्ष, स्वतन्त्र र शान्तिपूर्ण निर्वाचन सम्पन्न गर्न आवश्यक सम्पूर्ण तयारी तीव्र पारिएको जनाएको छ । निर्वाचनको लागि यही माघ ६ गते प्रत्यक्षतर्फको उम्मेदवारी दर्ता गर्ने तालिका रहेको छ ।
