काठमाडौं । बैतडीमा जन्ती बोकेको बस सडकबाट खस्दा १३ जनाको मृत्यु भएको छ ।
विज्ञापन
पुर्चाैडी नगरपालिका–७ भौनीबाट जन्ती लिएर फर्किने क्रममा सुदूरपश्चिम प्रदेश ०२–००१ ख १११९ नम्बरको बस सोही वडाको बढ्गाउँ मोडमा तीव्र मोडमा नियन्त्रण गुमाएर सडकबाट करिब २ सय मिटर तल खसेर दुर्घटना भएको हो ।
विज्ञापन
दुर्घटनामा घाइतेमध्ये थप ५ जनाको डडेलधुरा अस्पतालमा उपचारका क्रममा मृत्यु भएपछि मृतक संख्या १३ पुगेको जिल्ला प्रहरी कार्यालय बैतडीले जनाएको छ । घाइतेमध्ये २५ जनाको डडेलधुरा र ४ जनाको बझाङको देउलेक स्वास्थ्य चौकीमा उपचार भइरहेको छ भने ५ जनालाई थप उपचारका लागि धनगढी रिफर गरिएको छ ।
प्रहरीले बस चालक विरेन्द्र बुढालाई नियन्त्रणमा लिएर दुर्घटनाको कारणबारे अनुसन्धान गरिरहेको जनाएको छ। बेहुला–बेहुली भने अर्को गाडीमा रहेकाले सकुशल रहेका छन्।
