काठमाडौं । नेपालको मौसमी प्रणालीमा पश्चिमी वायुको आंशिक प्रभाव देखिएसँगै देशभरको तापक्रम र आकाशको स्थितिमा फेरबदल आएको छ । मौसम पूर्वानुमान महाशाखाका अनुसार हाल मुलुकका विभिन्न भू-भागमा बदली, हुस्सु र कुहिरोको मिश्रित प्रभाव देखिएको छ ।
विज्ञापन
सोमबार बिहानैदेखि कोशी, बागमती र गण्डकी प्रदेशका पहाडी भेगमा आंशिक बदली देखिएको छ । अन्य स्थानमा मौसम सामान्यतया सफा रहे तापनि तराईका अधिकांश भू-भागमा बाक्लो हुस्सु र कुहिरो लागेको छ । महाशाखाका अनुसार सुदूरपश्चिम प्रदेश लगायत देशका अन्य उच्च पहाडी र हिमाली क्षेत्रमा दिउँसोपख साधारणतया बादल लाग्ने अनुमान गरिएको छ ।
विज्ञापन
