काठमाडाैं । माउन्ट एभरेष्ट अन्तरास्ट्रिय तेक्वान्दो प्रतियोगितामा सुवास श्रेष्ठ र मुगा माया पाख्रिनले एक स्वर्ण तथा एक कास्य पदक जितेका छन् ।
काठमाडौंमा जारी २३ राष्ट्रका खेलाडी सहभागी अन्तर्राष्ट्रिय तेक्वान्दो प्रतियोगितामा उत्कृष्ट प्रदर्शनसहित नेपालको प्रतिनिधित्व गर्दै चन्द्रागिरि नगरपालिका वडा नं. ६, मातातिर्थ बालागाउँ तेक्वान्दो डोजाङका प्रशिक्षक सुवास श्रेष्ठ र मुगा माया पाख्रिनले उल्लेखनीय सफलता हासिल गरेका हुन् ।
श्रेष्ठ र पाख्रीनले प्रतिस्पर्धामा शानदार प्रदर्शन गर्दै एक स्वर्ण पदक र एक कास्य पदक नेपाललाई दिलाउन सफलता हासिल गरेकोमा उनीहरूको यस उपलब्धिले स्थानीय तहदेखि राष्ट्रिय स्तरसम्म गौरव बढाएको छ भने नेपाली तेक्वान्दो खेलको अन्तर्राष्ट्रिय पहिचानलाई थप मजबुत बनाएको छ।
उक्त सफलताप्रति खेलाडी तथा सम्बद्ध प्रशिक्षकहरूलाई बधाई ज्ञापन गर्दै आगामी दिनमा अझ उत्कृष्ट उपलब्धि हासिल गर्न तेक्वान्दो डोजाङले शुभकामना व्यक्त गरेको छ ।
