काठमाडौं। अख्तियार दुरुपयोग अनुसन्धान आयोगले लुम्बिनी प्रदेशको भूमि व्यवस्था, कृषि तथा सहकारी मन्त्रालयका तत्कालीन सचिव बैकुण्ठ अधिकारीसहित १६ जनाविरुद्ध भ्रष्टाचार मुद्दा दायर गरेको छ ।
विज्ञापन
रूपन्देहीको सम्मरीमाई गाउँपालिकामा शीतभण्डार निर्माणका क्रममा अनियमितता गरेको अभियोगमा आयोगले बिहीबार विशेष अदालतमा मुद्दा दायर गरेको हो ।
विज्ञापन
आयोगका अनुसार आर्थिक वर्ष २०७६/७७ मा सम्मरीमाई गाउँपालिका वडा नम्बर ४ स्थित सिद्धनाथमा शीतभण्डार निर्माण गर्ने योजनामा प्रचलित कानुन विपरीत कार्य गरी सार्वजनिक सम्पत्ति हानि(नोक्सानी पुर्याइएको छ। लुम्बिनी प्रदेशको भूमि व्यवस्था, कृषि तथा सहकारी मन्त्रालयका तत्कालीन सचिव बैकुण्ठ अधिकारी सहितका पदाधिकारीहरू र निर्माण कम्पनीले आपसी मिलेमतोमा भ्रष्टाचार गरेको अख्तियारको दाबी छ।
