काठमाडौं उपत्यका मेयर्स फोरमले वैशाख ११ गतेदेखि विद्यार्थी भर्ना तथा १५ गतेदेखि पठनपाठन सुरु गर्ने निर्णय गरेको छ ।
विज्ञापन
वैशाख ९ गते बसेको काठमाडौं उपत्यका मेयर्स फोरमको बैठकले २०८३ वैशाख ११ गतेदेखि विद्यालयमा नयाँ विद्यार्थी भर्ना अभियान शुरू गर्न र २०८३ वैशाख १५ गतेदेखि नियमित रुपमा पठनपाठन सञ्चालन गर्न, गराउन उपत्यका भित्रका सबै पालिकाहरुलाई निर्देशन दिएको छ ।
विज्ञापन
साथै, मुलुकमा विद्यमान ईन्धन संकटलाई ध्यानमा राख्दै आगामी दिनमा ईन्धनको थप संकट बढ्दै गएमा विद्युतीय सवारी साधनको प्रयोगलाई प्राथमिकता दिन र विद्यालय सञ्चालन तथा पठनपाठन अवरूद्ध हुन नदिनका लागि अनलाइन कक्षा लगायत अन्य वैकल्पिक उपायको समेत तयारी गर्न मेयर्स फोरमले निर्देशन दिएको हो ।
