भारतको पश्चिम बंगालमा भारतीय जनता पार्टी (भाजपा)का नेता सुबेेन्दु अधिकारीका पीए चन्द्रनाथ रथको हत्या भएको छ । उनको गएराति नर्थ २४ परगनामा गोली हानी हत्या भएको हो ।
घटनाका समयमा रथ स्कार्पियो गाडीबाट आफ्नो घर जाँदै थिए भने उनका चालकले गाडी चलाएको बताइएको छ । सो समयमा अर्का एक व्यक्ति पनि गाडीमा थिए ।
रिपोर्टअनुसार अस्ट्रेलियन ग्लक पेस्तोल प्रयोग गरेर गोली हानिएको थियो । कुल १० राउन्ड गोली प्रहार भएको बताइएको छ । जसमध्ये रथको टाउकोमा २ गोली र पेटमा एक गोली लागेकाे छ ।
भाजपाले तृणमूल पार्टीमाथि हत्याको आरोप लगाएको छ । यद्यपि, तृणमूलले भने आरोपको खण्डन गर्दै घटनाको अनुसन्धान गर्न माग गरेको छ ।
पश्चिम बंगालमा भाजपाले चुनाव जितेसँगै हिंसा भड्किएको छ । भाजपा विजयी भएपछि कतिपय स्थानमा भाजपा कार्यकर्ताले तृणमूलको पार्टी कार्यालयमा डोजर चलाएका छन् भने कतिपयमा आगजनी तोडफोड गरेका छन् ।
