काठमाडौं । चन्द्रागिरि नगरपालिकाले ४० माईक्रोनभन्दा कमको प्लाष्टिक तथा प्लाष्टिकका फूलमाला बिक्री वितरण र प्रयोगमा प्रतिबन्ध लगाएको छ ।
४० माईक्रोनभन्दा कमको प्लाष्टिक तथा आयातित प्लाष्टिकका फूलमाला प्रयोगबाट प्राकृतिक सौन्दर्यतामा असर हुनुका साथै प्रयोग पश्चात सार्वजनिक स्थान, सडक, नदीमा फाल्ने जलाउने गर्दा वायु प्रदुषण भई मानव स्वास्थ्यमा समेत असर हुने भएकोले यस्ता सामग्रीलाई प्रतिवन्ध गरिएको चन्द्रागिरि नगरले जनाएको छ ।
यस्ता सामग्रीले मुटु, फोक्सो, आँखामा प्रत्यक्ष असर गर्नुका साथै वातावरण फोहोर हुने भएकोले प्रतिवन्ध गरिएको चन्द्रागिरि नगरपालिका वरिष्ठ शाखा अधिकृत भद्रा अर्यालले जानकारी दिए ।
आफ्नो घर, पसल, सडकमा फोहोर मैला, कसिंगर र कृषिजन्य फोहोर फाल्ने जलाउने नगर्न समेत अनुरोध
गरिएको छ ।
यदि कसैले त्यस्तो कार्य गरेको पाइएमा कानुन बमोजिक जरिवाना समेत हुने पनि जनाइएको छ ।
