काठमाडौं । मकवानपुर जिल्ला , थाहा नगरपालिका वडा नं १० बिसिङ्गखेल लगायत क्षेत्रका गोपाली र गमाल समुदायहरुले भोलि कार्तिक ३ गते यसपालिको दसैं टीका लगाउने भएका छन् !
त्यस क्षेत्रमा परम्परागतरूपमा मनाइने चम्पाकेश्वर महादेवको जात्रा लाग्ने दिन कार्तिक संक्रान्तिभन्दा अघि दसैं परेकोले ती समुदायले दसैंको टीका पछि सारेका थिए ।
हिजो कात्तिक १ गते चम्पाकेश्वर महादेवको जात्रा मनाइसकेको हुँदा भोलि ३ कात्तिकमा दसैंको टीका लगाउने स्थानीय रामकृष्ण गमालले जानकारी दिए ।
कार्तिक संक्रान्तिदेखि वरको छैठौं दिन महानवमी परेकोले यसपालिको दसैं पछि सरेको स्थानियहरूले बताएका छन् ।
ऐतिहासिक गोपाली समुदायको परम्परागत चम्पाकेश्वर जात्राका लागि “आँग” अर्थात प्रसादका लागि जाँड राख्ने दिन कार्तिक संक्रान्तिको आठ दिन अघि महानवमी नपरेको भए “दसैंं मान्थ्यौंְ” जात्राका गुरु श्याम बहादुर गोपालीले बताए ।
यसपाली चित्लाङको गोपाली समुदायको बसोबास रहेको न्हुँलगाउ र टौखेल तथा गमाल जातिको बसोबास रहेको कलाँटु र तल्लो बिसिङ्खेलबासीले दसैं सारेको चम्पाकेश्वर क्षेत्र विकास समितिका सचिव कर्ण गोपालीले जानकारी दिए ।
