काठमाडौं । अन्तर्राष्ट्रिय बुदो मार्सल आर्ट्समा पदक विजेतालाई चन्द्रागिरिले सम्मान गरेको छ ।
विश्व बुदो मार्सल आर्ट्स प्रतियोगिता २०२४ का पदक विजेतालाई चन्द्रागिरि नगरपालिका वडा नम्बर ४, ५ र ६ ले सम्मान गरेको छ ।
प्रतियोगितामा स्वर्ण र रजत पदक जित्न सफल बुदो कैदोका खेलाडीहरुलाई चन्द्रागिरि नगरपालिका वडा नम्बर ४, ५ र ६ ले संयुक्त रुपमा स्वागत तथा नगर परिक्रमा कार्यक्रमको आयोजना गरेको हो ।
अजरबैजानको बाकुमा सम्पन्न अन्तर्राष्ट्रिय बुदो मार्सल आर्ट्स प्रतियोगितामा नेपालले ३ स्वर्ण र १ रजत पदक जितेको थियो । वीरकृष्ण महर्जन प्रशिक्षक रहेको र पूजा लामा निर्णायकमा सहभागी उक्त प्रतियोगितामा ७८ केजी समुहमा सतीस बलामी, ७५ केजी समुहमा वीरचन्द्र नकर्मी, ३० केजी तौल समूहमा ब्रिनिस महर्जनले स्वर्ण पदक जितेका थिए ।
त्यस्तै, ५८ केजी समूहमा ज्ञानेन्द्र कुमार हमालले रजत पदक जितेका हुन ।
