अब बैंक तथा वित्तीय संस्थामा केवाईसी फारम भर्न नपर्ने भएको छ ।
तपाईं हामीले बैंकमा खाता खोल्न जाँदा हरेक पल्ट व्यक्तिगत र पारिवारिक विवरण भर्नुपर्ने स्थिति रहेकामा अबदेखि त्यसो गर्नु नपर्ने भएको छ ।
नेपाल सरकारले गत साता जारी गरेको सम्पत्ति शुद्धिकरण निवारण नियमावलीमा खाता खोल्दा र अन्य विभिन्न गतिविधि गर्दा राष्ट्रिय परिचयपत्रको विवरणअनुसार जानकारी लिन सक्ने व्यवस्था गरेसँगै अनिवार्य केवाईसी भर्नुपर्ने बाध्यात्मक प्रावधानको अन्त्य भएको छ ।
नेपाल सरकारले जारी गरेको पछिल्लो नियमावलीको नियम ३ मा सम्पत्ति शुद्धीकरण निवारण ऐनको दफा ७ क बमोजिम सूचक संस्थाले ग्राहकको पहिचान गर्दा नेपाल सरकारको विद्युतीय अभिलेखमा राखेको व्यक्तिगत विवरण आफ्नो आन्तरिक प्रणालीमा लिइ ग्राहक पहिचान गर्न सक्ने उल्लेख गरेको छ ।
उक्त ऐनको दफा ७ क मा उल्लेख गरिएको नियमावली अनुसार अब ग्राहकहरूले हरेकपल्ट केवाईसी भरिराख्नु नपर्ने भएको हो ।
